श्री गुरू द्वादशी, श्री महाशिवरात्री व श्री महाराज पुण्यतिथी या दिवशी श्री समर्थांची पालखी निघते. समाधि मंदिर रात्रभर खुले असते. यादिवशी गावाला संपूर्ण यात्रेचे स्वरूप येते. हजारो यात्रेकरू यादिवशी येतात. रत्नागिरी, मालवण, वेंगुर्ला, गोवा, बांदा, मुंबई आदी ठिकाणाहून भजन मंडळे येतात पुण्यतिथी मोठ्या थाटात साजरी होते. लोक भक्तीत दंग होऊन जातात. हे पंढरपूरचे दृष्य येथे पहायला मिळते. सुरवातीला दिलेल्या उक्तीप्रमाणे समर्थांनी जन कल्याणासाठी सारे जीवन व्यतीत केले हे आपण सर्वजण जाणतो म्हणून आज हे दृष्य दिसते.